بالواحد القـدوس خالقنـا ابتـدي=رب ا لبريـة جنهـا وانسانـهـا |
يافالق الإصباح بالنـورالمـضـي=يا من له العـزة ولـه سلطانهـا |
نسالك يامن كنت في جودك سخي=تصلح أراضينا وتصلـح شانهـا |
وتنزل الغـفران عالعـبد البـري=ذي قدقتـل بالغـدر فـي ريانهـا |
تدخله في الفردوس مع طه النبـي=يقطف ثمر وازهار مـن بستانهـا |
له كل ما يطلب وكـل مايشتهـي=فيهـا ويلبـس سلمهـا وأمانهـا |
في الجنة الخضراء بسندس يكتسي=تدني على راسه قطوف أغصانها |
كل ماتلذ عينـه ونفـسـه يجتني=مـن تمرهـا واعنابهـا ورمانهـا |
يشرب من الكوثر الى أن يرتـوي=ويستلـذ مـن خمرهـا والبانهـا |
ياكل لحوم الطيـر حتـى يكتفـي=يرتع ويتمتـع بـروض اجنانهـا |
عنده رحيق النحل من صافي نقي=ويطوف بالاباريـق لـه ولدانهـا |
بجوار حورٍعين منهـن يصطفـي=ماطاب في نفسه وهـز وجدانهـا |
هيفاء حسينة ذات مظهر جوهري=من حسنها بانت عظـم سيقانهـا |
ذي ثغرها مشرق ومنظرها زهـي=يحظى بكامـل عطفهـا وحنانهـا |
وتبيـن القاتـل لنـا يامعتـلـي=ياعالـم الاسـرار فـي اكوانهـا |
ذي هو قتل مقدام بـو الفيـن زي=ما خاف من حضري ولا بدوانهـا |
لابـد مانسحقـه حتـى نشـتفـي=هو والذي خطط وشـب نيرانهـا |
هـذه بوادينـا علـى مـبدأ قـوي=تمشي ولاثارت طغـى هيجانهـا |
والكل منا أصل عربـي وحـدوي=من أصل عدناني ومـن قحطانهـا |
عربي كريم الأصل مسلم شافعـي=لاهو مـن اوروبـا ولارومانهـا |
مقدام ومحارب بطل شاجـع ذكـي=يدعو الى خير البلـد واحسانهـا |
والوعل نده وعل مثلـه مربعـي=ماتنادي الفرسان غيـر أقرانهـا |
وبلادنـا ياقـوم واديهـا حـفـي=ماقد ثبت غازي وسـط وديانهـا |
هي مقبرة للترك من سابق مـدي=والأنجليزي خـار مـن فرسانهـا |
والبرتغالـي لاذ منهـا ملتـجـي=ببواخـره واسطولهـا وربانـهـا |
فيها القعيطي والكسـادي محتبـي=والواحـدي واليافعـي شجعانهـا |
والعوبثانـي عندنـا والشنفـري=وابن الحمومي والبطـل سيبانهـا |
وعيال نـَوح اهـل دار العكبـري=ورجال كندة هـم حمـاة أوطانهـا |
والعولقي والصيعـري والعامـري=وابن الكثيري ذي مسـك بعنانهـا |
والجابري مـن عندنـا والثعينـي=وعيـال نهـد الباديـة حكمانهـا |
والليث في الصحراء المنهالي أخي=والقائـد الكربـي يشـد اركانهـا |
وابن الوزيري والعمودي مغتضي=والشهم باعبـاد شيـخ ازمانهـا |
واخواننا السادة عيـال الهاشمـي=هم قـادة الديـرة وهـم أعيانهـا |
والختم صلوا عالشـفـيع المهتدي=بعداد حـب الرمـل فـي كثبانهـا |